Ächendlich hatt‘ ich doss, üwer doss ich heut‘ schreib‘, scho lang vuurghood, owwer jedesmoll iss a annersch Dhema dazwösche komme. Jetzt muss es owwer sei, denn es gedd ömm die Bewahrung vo Kultur, Erinnerunge unn Tradition. Wenn mich murrn odder üüwertsmurrn der Schlooch dreffd, konn ichs nix mer gschreib, also mach ich‘s jetzt endlich. In Zeiten vo Gebietsreform (ja, ich wääs, däss die scho‘ lang her iss), Verwaltungsgemeinschoffde, Dörfferzommleechunge unn Spielgemeinschoffde konn mer sich fast nix mer vuurgstell, däss sich Nochberdürffer früher spinnefeind worrn, unn sich ghänselt hömm, woo’s nur ging! Unn dodrömm gob‘s Spottnoome!
Bad Neustadt